Қаулы

Халықтың денсаулығы қоғамның дамуының басты құраушы, әлеуметтік-экономикылық ырыс-берекесінің кепілі болып табылады.

Мемлекет басшысы, ұлт көшбасшысы Н. Ә. Назарбаев өзінің «Қазақстан жолы - 2050: Бір мақсат, бір мүдде, бір болашақ» атты жолдауында «Ұлт денсаулығы – біздің болашақтағы жетістігіміздің негізі» деп атап көрсетті.

Біздің мемлекетіміздің экономикалық дамуының оң серпіні соңғы жылдары денсаулық сақтау жүйесін қалпына келтіруге, оны қажетті кадрлармен жасақтауға, заманауи құрал жабдықтар сатып алуға және медицинаның одан әрі дамуы үшін жағдайлар жасауға мүмкіндік берді.

Біздің өңірде медициналық көмек «Абай қ. ОА» КМК көрсетіледі оның құрамына 116 төсек орны бар көп салалы стационар және кезекке 525 адам келуге арналған амбулаторлық емханалық қызметі кіреді және барлық бағыттар бойынша қол жетімді – жедел медициналық жәрдем, бастапқы медициналық санитариялық көмек, консультациялық-диагностикалық көмек, стационарлық және стационарды алмастыратын көмек. Барлық медициналық қызмет көрсетулер тегін медициналық көмектің кепілдік берілген көлемінің аясында жүзеге асырылады  (бұдан әрі ТМККК).

СҰРАҚ: ТМККК өзіне нені     қосады   және  оны    ұсынудың қандай тәртібі бар?

ЖАУАП: Тегін медициналық көмектің кепілдік берілген көлемі Қазақстан Республикасының азаматтары мен оралмандарға бюджет қаражаты есебінен ұсынылады. ТМККК кіреді:

1. Жедел медициналық көмек денсаулыққа келетін елеулі зиянның алдын алу немесе өмірге төнген қатерді жою үшін шұғыл медициналық көмекті талап ететін аурулар мен жай-күй туындаған кездегі медициналық көмек. ЖМК толық көлемде тегін негізде Абай қ. бекітілген тұрғын халыққа және оған іргелес жатқан кенттерге (Қарабас к, Вольный к, Қараған к, Қзыл к.),  Ж. Дубовка кентінің тұрғындарына қызмет көрсетеді. ЖМК шарт негізінде шектеусіз Бұқар жырау ауданының АОА басшылығына көмек көрсетеді.

2. БМСК (бастапқы медициналық-санитариялық көмек) тәулік бойы медициналық бақылау жасалмайтын дәрігерге дейінгі немесе білікті медициналық көмек түрінде ұсынылады. БМСК учаскелік терапевтер, педиатрлар, жалпы практика дәрігерлері, фельдшерлер, акушерлер және мейірбикелер көрсетеді. БМСК аясында келесі қызмет түрлері көрсетіледі: уақытша еңбекке қабілетсіздік бойынша, алдын алу, диагностикалық, емдік.

Көмектің осы түрі  шұғыл және шұғыл медициналық көмек көрсету жағдайында бекіту дерегіне қарамастан азаматтарға, ал жоспарлы тәртібінде - бекіту бойынша көрсетіледі. Бұқар жырау, Шет, Абай және т.б. аудандарда тұратын тұрғындары көмектің осы түрін (шұғыл жағдайларды қоспағанда) тұратын мекен жайы бойынша алуы керек.

3. Консультациялық-диагностикалық көмек - тәулік бойы медициналық бақылау жасалмайтын, мамандандырылған немесе жоғары мамандандырылған медициналық көмек. Бейінді мамандарға консультациялық – диагностикалық көмек БМСК мамандарының және бейінді мамандардың жолдамасы бойынша жүзеге асырылады, басқа жағдайлардың барлығы КДК қолданыстағы баға көрсеткішіне сәйкес ақылы негізде көрсетіледі.

4. Стационарлық көмек - тәулік бойы медициналық бақылау жасалатын, білікті, мамандандырылған және жоғары мамандандырылған медициналық көмек ұсыну нысаны. Стационарға жатқызу шұғыл жағдайда өзінің жүгінуі кезінде БМСК мамандарының және медициналық ұйымдарының, ЖМК қызметінің жолдамасы бойынша, жүзеге асырылады.

Ж. Дубовка кентінің бекітілмеген тұрғындарын «Абай қ. ОА» КМК жатқызу аумақтық жақын орналасуы себебінен (Қарағанды облысының денсаулық сақтау басқармасының өкімі) жолдаманың бар болуын көрсету бойынша жүзеге асырылады. Басқа аудандардың тұрғындарына стационарлық көмек тек қана шұғыл жағдайда көрсетіледі. Ауруханаға жоспарлы жатқызу барлық талаптарға сәйкес ауруханаға жатқызу Портал Бюросы арқылы жүзеге асырылады.

5. Стационарды алмастыратын көмек - бір күннің ішінде ұзақтығы төрт сағаттан сегіз сағатқа дейін медициналық бақылау жасалатын, дәрігерге дейінгі, білікті, мамандандырылған және жоғары мамандандырылған медициналық көмек ұсыну нысаны. Стационарды алмастыратын көмек БМСК және бейінді мамандардың берген жолдамасының болуы кезінде бекітілген тұрғындарға көрсетіледі. 2013 ж. қорытындысы бойынша стационарда – 3234   адам емделді, күндізгі стационар бойынша – 2130 адам,  үйге арналған стационар бойынша – 97  адам емделді.